قصيدة عيد الحب

جيتك بورد وهدايا .. جيتك بقلب يبيك .. جيتك بحب سرقني واصبح بعيني مثال

جيتك امن الشوق ظامي يا عساني ارتويك .. كلها ليله .. ولا فكّرت في سود الليال

هذا عيد الحب اقّبل يا حبيبي ما عليك .. غير تفتح قلبك لعاشق وصالك بالوصال

واترك الباقي على من عاش عمره يرتجيك .. شاعر طوّع لك الحرف .. وطلع روس الجبال

واقّبل بقلب تناثر شوق في راحة يديك.. ما يقصر في عبارات الغزل والصوت شال

اجمل ابيات الغرام اللي نظمها مهتويك .. في عذوبة حبك اللي اطهر من الماء الزلال

يرسمك في دفتر احلامه على ما يشتهيك .. كيف ما يرسمك مغّرم .. وانت عنده راس مال

تزدهر فيك المعاني .. وين ما تصبح تجيك .. قبل ما تنطق شفاه الحب يا خلي تعال