وش تريد؟؟

لو دريت انك بقلبي جرح ما يوقف سيال وان حبك في خفوقي يبري جروحي ويفيد

وان قربك مثل بعدك ما يطوّل أو يطال من أساسه لين راسه طيّب وقاسي عتيد

وان إسمك في ضلوعي نقش ما يعرف محال يبتهي إسمي بإسمك يعشق حروفه ويزيد

وان هذا الكون يشهد عني يا كل الدلال إنك الحلم بحياتي يحفظك رب العبيد

لو دريت انك بقلبي هم ٍ يهد الجبال وان قلبي دون همّك يصبح ويمسي وحيد

وان روحي يا جروحي يا معاناة الوصال ما تبي تصحا وتلاقي انك بعمري فقيد

وان عمري لك حبيبي كلمتين بلاجدال أفني سنيني لاجل ما تمضي سنينك سعيد

وان أيامي تعاني من ظما كلمه وسؤال بعد هذا الحب كله يا حبيبي وش تريـد؟!