الصراحه ياحبيبي ماتناسبك الصراحه

والله إني كنت أحبك فوق ظنك والخيال
كنت أعدك في حياتي بلسم القلب وجراحه
كنت أشوف الورد منك يسرق إحساس الجمال
وكل نور الكون ياخذ من حكاياتك صباحه
ما سمع قلبي لعواذل أكثرو فيك المقال
وصرت ما أميز كلام الناس جده من مزاحه
كم تعففت بحياتي عن مشاريب زلال
وسبت قلبي للذي هو هد عرشه وإستباحه
غلطتي قد طار عقلي في سما حبك وجال
لين صوبته بغدرك وانكسر بيدك جناحه
ودي أسال نبضك القاسي عليه لو سؤال
كيف تتهزا مني وأنا من أعظم اخطائي سماحه
صارت الطيبه غباء خصله محتاجه للجدال
والصراحه يا حبيبي ما تناسبك الصراحه

شكرا على هذه المشاركة وإن شاء الله بالتوفيق وأتمنى منك المزيد
وشكرا