( أرجوك سامحني ) قصيده

أنا أرجوك سامحني ترى همي مكفيني
ماعدت ذاك اللي يموت بلحظة غيابك
على كيفك تقاطعني تغيب وتدمعك عيني
وأنا لا غبت عن عينك ألا يامبرد أعصابك
أبيك تحس بغيابي بعد ما كنت تكويني
لو شفت العنى فيني ترى هاذا من أسبابك
نعم شفت إنتظاراتك تزيد وتعبت إيديني
تحاكمني على الغيره وأنا من قلبي أشقى بك
أنا من زود حبي لك رهنت لعيونك سنيني
نعم كنت الغلا عندي وطاح القلب باسبابك
يصيح القلب من كذبك خساره مابقى فيني
صبرت وغابت ايامك وتقفل دوني ابوابك
خلاص إبعد وأنا ببعد بغير كل عناويني
ألوم الحظ يوم إنه على درب الغلا جابك
أنا بأنساك صدقني وبالقى اللي يواسيني
خلاص إبعد وأنا بأبعد ودور غيري خلانك

وش هذي الشاعرية ما قصرتي على هذا المجهود و أرجو لك أختي الفاضلة دوام التوفيق والنجاح