تكلمني عن الفرقا

تكـلمني عن الـفـرقـا ويجـرحنـي بهـا التعبـيـر

تكلمني عن إحساسك واثــر ماللغـلا طـــاري



حبيبي قــول ماعندك.. وإذا منـي بـدا تـقـصيـر

ابيك تهّجي إحساسي وتقـرا جُملة اعـــذاري



احبك كلمـةٍ عيّـت شفــاتـي نطــقـهـا للـغيـــر

لك الله لو غدى حسّك..احس إن الشقا ضاري



حبيبي لو غديت ارضي.. انالك كالسما والطير

انالك كالجفــاف اللي تحّـــرا غيمـة أمطاري



تعــال بكل ما عندك حـبـيـبـي ما بقالي ..غيـر

جــروح ودمـعـتـيـنــن عذبـن حــراس أسواري



تعال وعلّم القـيـفـان وشهـي روعــة التصـويـر

تعال بكل أحاسيسك وناظــر جــرحـي العـــاري



حبيبي والغــلا شعـبـن يثــور ولاقــوى التحريـر

حبيبي والألم جـمرن مكـانه فـي قصـــا نـــاري



حبيبي والخطـا منـــا.. ولكـن عابـــه الـتـكـريـر

حبيبي والهوى سر.. فظحبي اكـبــر اسـراري



ابيك تشوف وش باقي من عيوني لسواد البيـر

وابيك تهيـم بحــداقي وتـبـقـا داخــل انضــاري



وابيك لدنيتي فرحي وابيك لخطوتـي تـيـسـيـر

وابيك بــأول اخـبـاري وابيـك بــتالـي اخـبـاري



ترى وان دارت الدنيا .. انا اللي بذكرك بالخير

ترى وان ضاقت الدنيا انا لعــيونـك الشـاري


(تكلمني عن الفرقا)

وأنا ادري .. أنا ادري.. خانـك التعبيـر

تكلمني عن احساسك واثر كل الغـلا عــــاري